គោលនយោបាយនេះ នឹងធានាសមធម៌និងការចូលរៀនរបស់និស្សិត ប្រសិទ្ធភាព និងភាពរលូននៃការសម្របសម្រួលនិងគ្រប់គ្រងនៅឧត្តមសិក្សា និងយន្តការចាំបាច់នានា ដើម្បីគាំទ្រដល់ប្រព័ន្ធឧត្តមសិក្សា និងការអភិវឌ្ឍធនធានមនុស្ស ដែលនឹងរួមចំណែក ពេញលេញដល់ការអភិវឌ្ឍប្រទេសជាតិ។ គោលនយោបាយនេះ ក៏បង្ហាញផងដែរអំពី យុទ្ធសាស្ត្រ និងផែនការសកម្មភាពសំខាន់ៗសម្រាប់អនុវត្តដើម្បីសម្រេចចក្ខុវិស័យនេះ ដោយជោគជ័យ។