កន្លងមក ក្រសួងអប់រំ យុវជន និងកីឡា បានសង្កេតឃើញថា បុគ្គលិកអប់រំគ្រប់ឋានានុក្រម បានអនុវត្តនូវកាតព្វកិច្ចដែលមានកំណត់នៅក្នុងច្បាប់ ព្រះរាជក្រឹត្យ អនុក្រឹត្យ ប្រកាស និងលិខិតបទដ្ឋាន គតិយុត្តនានាពាក់ព័ន្ធវិស័យអប់រំយ៉ាងខ្ជាប់ខ្ជួន និងគួរជាទីមោទនៈ។ ទន្ទឹមនឹងនេះ នៅមានមជ្ឈដ្ឋាន ខាងក្រៅមួយចំនួនបានបង្កនូវការញុះញង់ដល់បុគ្គលិកអប់រំ ដែលបណ្ដាលឱ្យមានការរំខានដល់ការ អនុវត្តកាតព្វកិច្ចដែលមានកំណត់នៅក្នុងច្បាប់ស្តីពីការអប់រំ ច្បាប់ស្តីពីសហលក្ខន្តិកៈមន្ត្រីរាជការស៊ីវិល អនុក្រឹត្យស្ដីពីក្រមសីលធម៌វិជ្ជាជីវៈគ្រប់ង្រៀន និងលិខិតបទដ្ឋានគតិយុត្តរបស់វិស័យអប់រំដែលនៅជាធរមាន។