ជារៀងរាល់ឆ្នាំ សន្និបាតអប់រំជាតិ តែងជួយជំរុញកិច្ចសន្ទនាស្តីពីវឌ្ឍនភាពដែលសម្រេច បានក្នុងវិស័យអប់រំ និងអន្តរាគមន៍ជាយុទ្ធសាស្ត្រដើម្បីធានាការអប់រំប្រកបដោយគុណភាព និងសមធម៌។ សន្និបាតនេះគឺជាវេទិកាថ្នាក់ជាតិដ៏សំខាន់មួយសម្រាប់ឲ្យកម្ពុជាឆ្លុះបញ្ចាំងពី សមិទ្ធផល និងបញ្ហាប្រឈម ជាពិសេសវឌ្ឍនភាពរបស់យើងពាក់ព័ន្ធនឹងចំណុចដៅប្រចាំឆ្នាំ នៃផែនការយុទ្ធសាស្រ្តវិស័យអប់រំ ឆ្នាំ ២០១៤-២០១៨ និងបញ្ហាផលប្រយោជន៍អប់រំថ្នាក់ជាតិ តំបន់ និងអន្តរជាតិសម្រាប់ប្រទេសកម្ពុជា។