ក្រសួងអប់រំ យុវជន និងកីឡា បាននិងកំពុងអនុវត្តផែនការយុទ្ធសាស្រ្តវិស័យអប់រំ ២០១៤២០១៨ ដែលឆ្លើយតបនឹងកំណែទម្រង់ និងដំណើរការអភិវឌ្ឍរបស់រាជរដ្ឋាភិបាលនីតិកាលទី៥ នៃ រដ្ឋសភា ដូចមានចែងនៅក្នុងផែនការយុទ្ធសាស្រ្តអភិវឌ្ឍន៍ជាតិ២០១៤-២០១៨។ គោលនយោបាយ យុទ្ធសាស្ត្រ រួមទាំងវិធានការកំណែទម្រង់អាទិភាព ១៥ ចំណុចរបស់ក្រសួងអប់រំ យុវជន និងកីឡា ត្រូវបានសម្រេចដើម្បីឆ្លើយតបទៅនឹងប្រព័ន្ធអប់រំមួយដែលធានាគុណភាពអប់រំប្រកបដោយសមធម៌ និងបរិយាប័ន្ន ដោយមានកិច្ចសហការយ៉ាងជិតស្និទ្ធជាមួយដៃគូអភិវឌ្ឍ និងអ្នកពាក់ព័ន្ធក្នុងការប្រើ |ប្រាស់សក្តានុពលធនធានសរុបឱ្យអស់លទ្ធភាព។