ក្នុងអាណត្តិថ្មីរបស់រាជរដ្ឋាភិបាលគឺជារបត់ថ្មីមួយក្នុងការអភិវឌ្ឍវិស័យអប់រំកម្ពុជាជាមួយនឹងការចាប់ផ្ដើមអនុវត្តនូវយុទ្ធសាស្ត្រចតុកោណដំណាក់កាលទី ៣ របស់រាជរដ្ឋាភិបាលដែលមានសម្ដេចនាយករដ្ឋមន្ត្រីបានប្រកាសនៅក្នុងអង្គប្រជុំគណៈរដ្ឋមន្ត្រីលើកទី ១ សម្រាប់នីតិកាលទី ៥ នៃរដ្ឋសភា កាលពីថ្ងៃទី២៥ ខែកញ្ញា ឆ្នាំ២០១៣ កន្លងទៅនេះ។
ទន្ទឹមនេះដែរ ក្រសួងអប់រំ យុវជន និងកីឡា បានដាក់ចេញនូវវិធានការមួយចំនួនដើម្បីធ្វើកំណែទម្រង់វិស័យអប់រំ ដោយឈរលើមូលដ្ឋាននៃយុទ្ធសាស្ត្រចតុកោណ និងផែនការយុទ្ធសាស្ត្រវិស័យអប់រំ ២០១៤ – ២០១៨ ៖ ការពង្រឹងការគ្រប់គ្រងហិរញ្ញវត្ថុ និងការគ្រប់គ្រងទ្រព្យសម្បត្តិរដ្ឋ ការពង្រឹងការគ្រប់គ្រង បុគ្គលិក ការពង្រឹងការប្រឡងគ្រប់ប្រភេទ ការបង្កើតធនាគារខួរក្បាលវិស័យអប់រំ កំណែទម្រង់ឧត្តមសិក្សា ការបង្កើនគុណភាព និងប្រសិទ្ធភាពនៃសេវាអប់រំនៅគ្រប់កម្រិតសិក្សា ការអភិវឌ្ឍសម្រាប់យុវជននូវជំនាញបច្ចេកទេស និងជំនាញទន់ និងកែទម្រង់ការអប់រំកាយ និងកីឡា។
សមិទ្ធផលអប់រំ យុវជន និងកីឡា ឆ្នាំសិក្សា ២០១២-២០១៣
Related Posts