សៀវភៅ​ស្ថិតិ និង​សូចនាករ​អប់រំ​ឆ្នាំ​សិក្សា២០២១-២០២២ ផ្ដល់​ព័ត៌មាន​ជា​មូលដ្ឋាន​អំពី​សាលារៀន​សាធារណៈ រួមមាន មត្តេយ្យសិក្សា បឋមសិក្សា និងមធ្យមសិក្សា ចំណេះទូទៅ នៅទូទាំងប្រទេស។នាយកសាលារៀន​ជាអ្នករួមវិភាគទាន​ដ៏សំខាន់ក្នុងការផ្តល់ទិន្នន័យ​របស់​សាលារៀន។ ការិយាល័យ​អប់រំ យុវជន និងកីឡា រដ្ឋបាលក្រុង ស្រុក ខណ្ឌ និងមន្ទីរអប់រំ យុវជន និងកីឡា រាជធានី ខេត្ត បាន​ជួយ​ពិនិត្យ និងធានាភាពត្រឹមត្រូវ និងទាន់ពេល​វេលារបស់ទិន្នន័យដែល​បាន​ចងក្រង​ក្នុងសៀវភៅនេះ។ សិ្ថតិ និងសូចនាករ​ទាំងនេះ ជា​ឧបករណ៍​ដ៏​មានសារៈសំខាន់​សម្រាប់​ការពិនិត្យ​តាមដាន វាយតម្លៃវិភាគស៊ីជម្រៅ និងការ​សិក្សា​ស្រាវជ្រាវ ដើម្បី​អភិវឌ្ឍ វិស័យអប់រំ។